Sundarakanda_Sloka_Day_9_Sarga_36

[00:00.01] అథ సుందరకాండ షట్ర్త్రింశస్సర్గః

[00:03.99] భూయ ఏవ మహాతేజా హనుమాన్ మారుతాత్మజః|

[00:09.21] అబ్రవీత్ ప్రశ్రితం వాక్యం సీతా ప్రత్యయకారణాత్||1||

[00:15.59] వానరోఽ‍హం మహభాగే దూతో రామస్య ధీమతః|

[00:21.44] రామానామాంకితం చేదం పశ్య దేవ్యంగుళీయకమ్||2||

[00:27.54] ప్రత్యయార్థం తవాssనీతం తేన దత్తం మహాత్మనా|

[00:33.39] సమాశ్వసిహి భద్రం తే క్షీణ దుఃఖఫలా హ్యసి||3||

[00:38.97] [ Skip ఇత్యుక్త్వా ప్రదదౌ తస్యై సీతాయై వానరోత్తమః| ] గృహీత్వా ప్రేక్షమాణా సా భర్తుః కరవిభూషణమ్||

[00:45.17] భర్తారమివ సంప్రాప్తా జానకీ ముదితాsభవత్||4||

[00:50.96] చారుతద్వదనం తస్యా స్తామ్రశుక్లాయ తేక్షణమ్|

[00:56.80] అశోభత విశాలాక్ష్యా రాహుముక్త ఇవోడురాట్||5||

[01:02.37] తతస్సా హ్రీమతీ బాలా భర్తృసందేశహర్షితా|

[01:07.95] పరితుష్టా ప్రియం కృత్వా ప్రశశంస మహాకపిమ్||6||

[01:13.29] విక్రాంతస్త్వం సమర్థస్త్వం ప్రాజ్ఞస్త్వం వానరోత్తమ|

[01:19.92] యే నేదం రాక్షపదం త్వయైకేన ప్రధర్షితమ్||7||

[01:25.49] శతయోజనవిస్తీర్ణః సాగరో మకరాలయః|

[01:30.55] విక్రమశ్లాఘనీయేన క్రమతా గోష్పదీకృతః||8||

[01:35.86] న హి త్వాం ప్రాకృతం మన్యే వానరం వానరర్షభ|

[01:41.44] యస్య తే నాస్తి సంత్రాసో రావణా న్నాపి సంభ్రమః||9||

[01:47.02] అర్హసే చ కపిశ్రేష్ఠ మయా సమభిభాషితుమ్|

[01:51.80] యద్యపి ప్రేషితస్తేన రామేణ విదితాత్మనా||10||

[01:57.12] ప్రేషయిష్యతి దుర్దర్షో రామో న హ్య పరీక్షితమ్|

[02:02.42] పరాక్రమ మవిజ్ఞాయ మత్సకాశం విశేషతః||11||

[02:07.73] దిష్ట్యా చ కుశలీ రామో ధర్మాత్మా సత్యసంగరః|

[02:13.58] లక్ష్మణశ్చ మహాతేజా స్సుమిత్రానందవర్ధనః||12||

[02:19.42] కుశలీ యది కాకుత్‍స్థః కిం ను సాగరమేఖలాం|

[02:24.47] మహీం దహతి కోపేన యుగాంతాగ్ని రివోత్థితః||13||

[02:30.04] అథవా శక్తిమంతౌ తౌ సురాణా మపి విగ్రహే|

[02:34.82] మమైవ తు న దుఃఖానాం అస్తి మన్యే విపర్యయః||14||

[02:39.61] కచ్చిన్న వ్యధితో రామః కచ్చిన్న పరితప్యతే|

[02:44.66] ఉత్తరాణి చ కార్యాణి కురుతే పురుషోత్తమః||15||

[02:49.70] కచ్చిన్న దీనః సంభ్రాంతః కార్యేషు చ న ముహ్యతి|

[02:55.28] కచ్చి త్పురుషకార్యాణి కురుతే నృపతేస్సుతః||16||

[03:00.33] ద్వివిధం త్రిపాధోపాయ ముపాయ మపి సేవతే|

[03:05.11] విజిగీషు స్సుహృత్ కచ్చిన్ మిత్రేషు చ పరంతప||17||

[03:10.15] కచ్చి న్మిత్రాణి లభతే మిత్రైశ్చాప్యభిగమ్యతే|

[03:15.99] కచ్చిత్ కల్యాణమిత్రశ్చ మిత్రైశ్చాపి పురస్కృతః||18||

[03:21.58] కచ్చి దాశాస్తి దేవానాం ప్రసాదం పార్థివాత్మజః|

[03:27.70] కచ్చిత్ పురుషకారం చ దైవం చ ప్రతిపద్యతే||19||

[03:33.01] కచ్చి న్నవిగత స్నేహః ప్రవాసాన్మయి రాఘవః|

[03:38.23] కచ్చి న్మాం వ్యసనాత్ అస్మాన్మోక్షయిష్యతి వానర||20||

[03:43.98] సుఖానాముచితో నిత్యం అసుఖానాం అనూచితః|

[03:49.03] దుఃఖముత్తరమాసాద్య కచ్చ్ ద్రామో న సీదతి||21||

[03:54.54] కౌసల్యాయా స్తథా కచ్చిత్ సుమిత్రాయాః తథైవ చ|

[04:00.38] అభీక్ష్ణం శ్రూయతే కచ్చిత్ కుశలం భరతస్య చ||22||

[04:05.69] మన్నిమిత్తేన మానార్హః కచ్చి చ్ఛోకేన రాఘవః|

[04:11.26] కచ్చి న్నాన్యమనా రామః కచ్చి న్మాం తారయిష్యతి||23||

[04:17.39] కచ్చి దక్షౌహిణీం భీమాం భరతో భాతృవత్సలః|

[04:22.89] ధ్వజినీం మంత్రిర్గుప్తాం ప్రేషయిష్యతి మత్కృతే||24||

[04:28.20] వానరాధిపతిః శ్రీమాన్ సుగ్రీవః కచ్చిదేష్యతి|

[04:33.52] మత్కృతే హరిభిర్వీరై ర్వృతో దంతానఖాయుధః||25||

[04:38.56] కచ్చి చ్చ లక్ష్మణ శ్శూరః సుమిత్రానందవర్ధనః|

[04:43.60] అస్త్రవిచ్చరజాలేన రాక్షసాన్ విధమిష్యతి||26||

[04:48.40] రౌద్రేణ కచ్చిదస్త్రేణ జ్వలతా నిహతం రణే|

[04:53.64] ద్రక్ష్యాం అల్పేన కాలేన రావణం ససుహృజ్జనమ్||27||

[04:58.60] కచ్చిన్న తద్దేమ సమానవర్ణం తస్యాననం పద్మసమానగంధి|

[05:05.69] మయా వినా శుష్యతి శోకదీనం జలక్షయే పద్మ మివాతపేన||28||

[05:12.59] ధర్మాపదేశాత్ త్యజతశ్చ రాజ్యం మాంచాప్యరణ్యం నయతః పదాతిమ్|

[05:20.82] నాసీద్వ్యధా యస్య న భీర్నశోకః కచ్చిచ్చ ధైర్యం హృదయే కరోతి||29||

[05:28.26] న చాస్య మాత న పితా నాన్యః స్నేహా ద్విశిష్ఠోఽస్తి మయా సమో వా|

[05:35.96] తావ త్త్వహం దూత జిజీవిషేయం యావత్ప్రవృత్తిం శృణుయాం ప్రియస్య||30||

[05:43.66] ఇతీవ దేవీ వచనం మహార్థం తం వానరేంద్రం మధురార్థ ముక్త్వా|

[05:51.37] శ్రోతుం పునస్తస్య వచోభి రామం రామార్థయుక్తం విరరామ రామా||31||

[05:59.34] సీతాయా వచనం శ్రుత్వా మారుతి ర్భీమవిక్రమః|

[06:05.18] శిరస్యంజలి మాధాయ వాక్యముత్తరమబ్రవీత్||32||

[06:10.49] న త్వా మిహస్థాం జానీతే రామః కమల లోచనే|

[06:16.06] తేన త్వాం నానయ త్యాశు శచీమివ పురందరః||33||

[06:21.11] శ్రుత్వైవ తు వచో మహ్యం క్షిప్ర మేష్యతి రాఘవః|

[06:26.43] చమూం ప్రకర్షన్ మహతీం హర్యృక్షగణసంకులామ్||34||

[06:32.00] విష్టంభయిత్వా బాణౌఘై రక్షోభ్యం వరుణాలయమ్|

[06:37.04] కరిష్యతి పురీం లంకాం కాకుత్‍స్థః శాంతరాక్షసామ్||35||

[06:42.64] తత్ర యద్యంతరా మృత్యు ర్యది దేవా స్సహాసురాః|

[06:48.22] స్థాస్యంతి పథి రామస్య స తానపి వధిష్యతి||36||

[06:52.98] తవాదర్శనజే నార్యే శోకేన స పరిప్లుతః|

[06:58.32] న శర్మ లభతే రామ స్సింహార్దిత ఇవ ద్విపః||37||

[07:03.36] మలయేన చ వింధ్యేన మేరుణా మందరేణ చ|

[07:07.89] దర్దురేణ చ తే దేవి శపే మూలఫలేన చ||38||

[07:12.93] యథా సు నయనం వల్గు బింబోష్ఠం చారుకుండలమ్|

[07:17.98] ముఖం ద్రక్ష్యసి రామస్య పూర్ణచంద్ర మివోదితమ్||39||

[07:22.76] క్షిప్రం ద్రక్ష్యసి వైదేహి రామం ప్రస్రవణే గిరౌ|

[07:27.54] శతక్రతు మివాసీనం నాకపృష్ఠస్య మూర్థని||40||

[07:32.59] న మాంసం రాఘవోభుజ్ఞ్కే నచాsపి మధుసేవతే|

[07:37.65] వన్యం సువిహితం నిత్యం భక్తమశ్నాతి పంచమమ్||41||

[07:42.96] నైవదంశా న్న మశకాన్నకీటా న్నసరీసృపాన్|

[07:48.00] రాఘవోఽపనయేత్ గాత్రాత్ త్వద్గతే నాంతరాత్మనా||42||

[07:54.12] నిత్యం ధ్యానపరో రామో నిత్యం శోకపరాయణః|

[07:59.17] నాన్య చ్చింతయతే కించి త్స తు కామవశం గతః||43||

[08:04.75] అనిద్ర స్సతతం రామ స్సుప్తోsపి చ నరోత్తమః|

[08:09.79] సీతేతి మధురాం వాణీం వ్యాహరన్ ప్రతిబుధ్యతే||44||

[08:15.11] దృష్ట్వా ఫలం వా పుష్పం వా యద్వాఽన్య త్సుమనోహరమ్|

[08:20.68] బహుశో హా ప్రియే త్యేవం శ్వసం స్త్వాం అభిభాషతే||45||

[08:26.25] స దేవి నిత్యం పరితప్యమాన స్త్వాం ఏవ సీతే త్యభిభాషమాణః|

[08:33.43] ధృతవ్రతో రాజసుతో మహాత్మా తవైవ లాభాయ కృతప్రయత్నః||46||

[08:40.34] సా రామసంకీర్తనవీతశోకా రామస్య శోకేన సమానశోకా|

[08:47.52] శరమ్మఖే సాంబుదశేష చంద్రా నిశేవ వైదేహసుతా బభూవ||47||

[08:55.12] ఇత్యార్షే శ్రీమద్రామాయణే వాల్మీకీయే సున్దరకాణ్డే షట్ర్త్రింశస్సర్గః||