Sundarakanda_Sloka_Day_9_Sarga_37

[00:00.35] అథ సుందరకాండ సప్తత్రింశస్సర్గః

[00:03.27] సీతా తద్వచనం శ్రుత్వా పూర్ణచంద్ర నిభాననా|

[00:08.28] హనూమంత మువాచేదం ధర్మార్థసహితం వచః||1||

[00:13.60] అమృతం విషసంస్పృష్టం త్వయా వానరభాషితమ్|

[00:18.64] యచ్చ నాన్యమనా రామో యచ్చ శోకపరాయణః||2||

[00:23.68] ఐశ్వర్యే వా సువిస్తీర్ణే వ్యసనే వా సుదారుణే|

[00:30.05] రజ్జ్వేవ పురుషం బద్ధ్వా కృతాంతం పరికర్షతి||3||

[00:35.11] విధిర్నూనమసంహార్యః ప్రాణినాం ప్లవగోత్తమః|

[00:40.71] సౌమిత్రం మాం చ రామం చ వ్యసనైః పశ్య మోహితాన్||4||

[00:46.28] శోకస్యాస్య కదా పారం రాఘవోsధిగమిష్యతి|

[00:51.59] ప్లవమానః పరిశ్రాంతో హతనౌ స్సాగరే యథా||5||

[00:56.64] రాక్షాసానాం వధం కృత్వా సూదయిత్వా చ రావణం|

[01:01.35] లంకా మున్మూలితాం కృత్వా కదా ద్రక్ష్యతి మాం పతిః||6||

[01:06.92] స వాచ్య స్సంవత్సర స్వేతి యావ దేవ న పూర్యతే|

[01:12.50] అయం సంవత్సరః కాలః తావద్ధి మమ జీవితమ్||7||

[01:17.55] వర్తతే దశమే మాసో ద్వౌతు శేషౌ ప్లవంగమ|

[01:23.13] రావణేన నృశంసేన సమయో యః కృతో మమ||8||

[01:27.90] విభీషణేన చ భ్రాత్రా మమ నిర్యాతనం ప్రతి|

[01:32.95] అనునీతః ప్రయత్నేన న చ తత్ కురుతే మతిమ్||9||

[01:37.74] మమ ప్రతి ప్రదానం హి రావణస్య న రోచతే|

[01:41.66] రావణం మార్గతే సంఖ్యే మృత్యుః కాలవశం గతమ్||10||

[01:47.24] జ్యేష్ఠా కన్యాsనలా నామ విభీషణ సుతా కపే|

[01:52.55] తయా మమేద మాఖ్యాతం మాత్రా ప్రహితయా స్వయమ్||11||

[01:58.39] అసంశయం హరిశ్రేష్ఠ క్షిప్రం మాం ప్రాప్స్యతే పతిః|

[02:03.97] అంతరాత్మా హి మే శుద్ధః తస్మిం శ్చ బహవో గుణాః||12||

[02:09.82] ఉత్సాహః పౌరుషం సత్త్వ మానృశంస్యం కృతజ్ఞతా|

[02:15.12] విక్రమశ్చ ప్రభావశ్చ సంతి వానర రాఘవే||13||

[02:20.17] చతుర్దశ సహస్రాణీ రాక్షసానాం జఘాన యః|

[02:25.21] జనస్థానే వినా భ్రాత్రా శత్రుః కః తస్య నో ద్విజేత్||14||

[02:31.35] న స శక్య స్తులయితుం వ్యసనైః పురుషర్షభ|

[02:35.86] అహం తస్య ప్రభావజ్ఞా శక్రస్యేవ పులోమజా||15||

[02:40.90] శరజాలాంశుమాన్ శూరః కపే రామదివాకరః|

[02:45.95] శత్రురక్షోమయం తోయం ఉపశోషం నయిష్యతి||16||

[02:50.75] ఇతి సంజల్పమానాం తాం రామార్థే శోకకర్షితామ్|

[02:56.60] అశ్రుసంపూర్ణనయనాం ఉవాచ వచనం కపిః||17||

[03:01.37] శ్రుత్వైవతు వచో మహ్యం క్షిప్ర మేష్యతి రాఘవః|

[03:06.43] చమూం ప్రకర్షన్మహతీం హర్యృక్షగణసంకులామ్||18||

[03:11.47] అథవా మోచయిష్యామి త్వాం అద్యైవ వరాననే|

[03:16.25] అస్మాత్ దుఃఖాత్ ఉపారోహ మమ పృష్ఠమనిందితే||19||

[03:21.03] త్వాం హి పృష్ఠగతాం కృత్వా సంతరిష్యామి సాగరమ్|

[03:26.35] శక్తి రస్తిహి మే వోఢుం లంకా మపి స రావణమ్||20||

[03:31.13] అహం ప్రస్రవణ స్థాయ రాఘవాయాద్య మైథిలి|

[03:36.17] ప్రాపయిష్యామి శక్రాయ హవ్యం హుత మివానలః||21||

[03:40.95] ద్రక్ష స్యద్యైవ వైదేహి రాఘవం సహ లక్ష్మణమ్|

[03:45.73] వ్యవసాయ సమాయుక్తం విష్ణుం దైత్యవథే యథా||22||

[03:51.05] త్వద్దర్శనకృతోత్సాహమాశ్రమస్థం మహాబలమ్|

[03:55.82] పురందర మివాసీనం నాకరాజస్య మూర్థని||23||

[04:00.61] పృష్ఠమారోహ మేదేవీ మా వికాంక్షస్వ శోభనే|

[04:05.66] యోగమన్విచ్ఛ రామేణ శశాంకే నేవ రోహిణీ||24||

[04:11.23] కథయంతీవ చంద్రేణ సూర్యేణ చ మహార్చిషా|

[04:16.27] మత్పృష్ఠమధిరుహ్య త్వం తరాssకాశమహార్ణవౌ||25||

[04:21.33] న హి మే సంప్రయాతస్య త్వా మితో నయతోs‍ంగనే|

[04:26.38] అనుగంతుం గతిం శక్తా స్సర్వే లంకానివాసినః||26||

[04:31.69] యథావాహ మిహ ప్రాప్తః తథైవాహమసంశయః|

[04:36.47] యాస్యామి పశ్య వైదేహీ త్వాముద్యమ విహాయసమ్||27||

[04:42.04] మైథిలీ తు హరిశ్రేష్ఠాత్ శ్రుత్వా వచనమద్భుతమ్|

[04:47.36] హర్షవిస్మిత సర్వాంగీ హనుమంత మథాబ్రవీత్||28||

[04:51.80] హనుమన్ దూర మధ్వానం కథం మాం వోఢుమిచ్ఛసి|

[04:56.59] తదేవ ఖలు తే మన్యే కపిత్వం హరియూథప||29||

[05:01.37] కథం వాల్పశరీరస్త్వం మామితో నేతు మిచ్ఛసి|

[05:06.43] సకాశం మానవేంద్రస్య భర్తుర్మే ప్లవగర్షభ||30||

[05:11.73] సీతాయా వచనం శ్రుత్వా హనుమాన్ మారుతాత్మజః|

[05:17.31] చింతయామాస లక్ష్మీవాన్నవం పరిభవం కృతమ్||31||

[05:24.14] న మే జానాతి సత్త్వం వా ప్రభావం వాsసితేక్షణా|

[05:29.45] తస్మాత్ పశ్యతు వైదేహీ యద్రూపం మమ కామతః||32||

[05:34.77] ఇతి సంచిత్య హనుమాంస్తదా ప్లవగసత్తమః|

[05:39.28] దర్శయామాస వైదేహ్యాః స్వరూప మరిమర్దనః||33||

[05:44.35] స తస్మాత్పాదపాద్ధీమానాప్లుత్య ప్లవగర్షభః|

[05:49.66] తతో వర్థితు మారేభే సీతాప్రత్యయకారణాత్||34||

[05:54.70] మేరుమందర సంకాశో బభౌ దీప్తానలప్రభః|

[05:59.75] అగ్రతో వ్యవతస్థే చ సీతాయా వానరోత్తమః||35||

[06:05.34] హరిః పర్వత సంకాశః తామ్రవక్త్రో మహాబలః|

[06:10.64] వజ్రదంష్ట్రో నఖో భీమో వైదేహీం ఇదమబ్రవీత్||36||

[06:15.97] సపర్వతవనోద్దేశాం సాట్టప్రాకార తోరణామ్|

[06:21.80] లంకా మిమాం స నాధాం వా నయితుం శక్తి రస్తి మే||37||

[06:27.13] తదవస్థాప్యతాం బుద్ధి రలం దేవి వికాంక్షయా|

[06:31.90] విశోకం కురు వైదేహి రాఘవం సహ లక్ష్మణమ్||38||

[06:36.43] తం దృష్ట్వా భీమసంకాశం ఉవాచ జనకాత్మజా|

[06:41.15] పద్మపత్రవిశాలాక్షీ మారుత స్యౌరసం సుతం||39||

[06:45.91] తవసత్వం బలం చైవ విజానామి మహాకపే|

[06:50.44] వాయోరివ గతిం చైవ తేజశ్చాగ్నేరివాద్భుతమ్||40||

[06:55.48] ప్రాకృతోsన్యః కథం చేమాం భూమి మాగంతు మర్హతి|

[07:00.53] ఉదధే రప్రమేయస్య పారం వానరపుంగవ||41||

[07:05.31] జానామి గమనే శక్తిం నయనే చాపి తే మమ|

[07:10.09] అవశ్యం సంప్రధా ర్యాశు కార్యసిద్ధి ర్మహాత్మనః||42||

[07:15.14] అయుక్తం తు కపిశ్రేష్ఠ మమ గంతుం త్వయాsనఘ|

[07:19.65] వాయువేగ సవేగస్య వేగో మాం మోహయేత్తవ||43||

[07:24.44] అహమాకాశ మాపన్నా హ్యుపర్యుపరి సాగరమ్|

[07:28.96] ప్రపతేయం హి తే పృష్ఠాద్భయాద్వేగేన గచ్ఛతః||44||

[07:34.28] పతితా సాగరే చాహం తిమినక్రఝుషాకులే|

[07:38.78] భవేయ మాశు వివశా యాదసామన్నముత్తమమ్||45||

[07:43.03] న చ శక్ష్యే త్వయా సార్థం గంతుం శత్రువినాశన|

[07:48.07] కళత్రవతి సందేహః త్వయ్యపి స్యాదసంశయః||46||

[07:52.59] హ్రియమాణాం తు మాం దృష్ట్వా రాక్షసా భీమవిక్రమాః|

[07:57.64] అనుగచ్ఛేయు రాదిష్టా రావణేన దురాత్మనా||47||

[08:02.43] తైస్త్వం పరివృత శ్శూరైః శూల ముద్గర పాణిభిః|

[08:07.47] భవేస్త్వం సంశయం ప్రాప్తో మయా వీర కళత్రవాన్||48||

[08:12.28] సాయుధో బహవో వ్యోమ్ని రాక్షాసాస్త్వం నిరాయుధః|

[08:17.33] కథం శక్ష్యసి సంయాతుం మాం చైవ పరిరక్షితుమ్||49||

[08:22.11] యుధ్యమానస్య రక్షోభిః తవ తైః క్రూరకర్మభిః|

[08:26.89] ప్రపతేయం హి తే పృష్ఠాత్ భయార్తా కపిసత్తమ||50||

[08:31.67] అథ రక్షాంసి భీమాని మహంతి బలవంతి చ|

[08:35.92] కథంచిత్ సాంపరాయే త్వాం జయేయుః కపిసత్తమ||51||

[08:40.97] అథవా యుధ్యమానస్య పతేయం విముఖస్య తే|

[08:45.48] పతితాం చ గృహీత్వా మాం నయేయుః పాపరాక్షసాః||52||

[08:50.80] మాం వా హరేయు స్త్వద్దస్తాద్విశసేయురథాపి వా|

[08:56.10] అవ్యవస్థౌ హి దృశ్యేతే యుద్ధే జయాపరాజయౌ||53||

[09:00.89] అహం వాపి విపద్యేయం రక్షోభి రభితర్జితా|

[09:05.14] త్వత్ప్రయత్నో హరిశ్రేష్ఠ భవే న్నిష్ఫల ఏవ తు||54||

[09:09.93] కామం త్వ మసి పర్యాప్తో నిహంతుం సర్వరాక్షసాన్ |

[09:14.72] రాఘవస్య యశో హీయేత్త్వయా శస్తైస్తు రాక్షసైః||55||

[09:19.76] అథవాssదాయా రక్షాంసి న్యసేయు స్సంవృతే హి మామ్|

[09:24.27] యత్ర తే నాభిజానీయుర్హరయో నాపి రాఘవౌ||56||

[09:28.80] ఆరంభస్తు మదర్థో యం తతస్తవ నిరర్థకః|

[09:33.06] త్వయా హి సహ రామస్య మహానాగమనే గుణః||57||

[09:38.35] మయి జీవిత మాయత్తం రాఘవస్య మహాత్మనః|

[09:42.62] భాతౄణాం చ మహాబాహో తవ రాజ కులస్య చ||58||

[09:47.14] తౌ నిరాశౌ మదర్థం తు శోకసంతాపకర్శితౌ|

[09:51.67] సహ సర్వర్క్షహరిభిస్త్యక్షతః ప్రాణ సంగ్రహమ్||59||

[09:55.91] భర్తృ భక్తిం పురస్కృత్య రామాదన్యస్య వానర|

[10:00.96] న స్పృశామి శరీరం తు పుంసో వానర పుంగవ||60||

[10:05.20] యదహం గాత్ర సంస్పర్శం రావణస్య బలాద్గతా|

[10:09.98] అనీశా కిం కరిష్యామి వినాథా వివశా సతీ||61||

[10:14.77] యది రామో దశగ్రీవమిహ హత్వా స బాంధవమ్|

[10:18.68] మామితో గృహ్య గచ్ఛేత్తత్తస్య సదృశం భవేత్||62||

[10:23.19] శ్రుతా హి దృష్టా శ్చ మయా పరాక్రమా మహత్మనస్తస్య రణావిమర్దినః|

[10:30.10] స దేవగంధర్వభుజంగరాక్షసా భవంతి రామేణ సమా హి సంయుగే||63||

[10:37.02] సమీక్ష్య తం సంయతి చిత్రకార్ముకమ్ మహాబలం వాసవతుల్యవిక్రమమ్|

[10:43.92] స లక్ష్మణం కో విషహేత రాఘవమ్ హూతాశనం దీప్త మివానిలేరితమ్||64||

[10:50.56] స లక్ష్మణం రాఘవ మాజిమర్దనమ్ దిశాగజం మత్తమివ వ్యవస్థితమ్|

[10:56.95] స హేత కో వానరముఖ్య సంయుగే యుగాంత సూర్యప్రతిమం శరార్చిషమ్||65||

[11:04.13] స మే హరిశ్రేష్ఠ స లక్ష్మణం పతిం సయూధపం క్షిప్ర మిహోపపాదయ|

[11:10.49] చిరాయ రామం ప్రతి శోకకర్శితామ్ కురుష్వ మాం వానరముఖ్య హర్షితాం||66||

[11:17.59] ఇత్యార్షే శ్రీమద్రామాయణే వాల్మీకీయే సున్దరకాణ్డే సప్తత్రింశస్సర్గః||