Sundarakanda_Sloka_Day_12_Sarga_54
[00:00.70] అథ సుందరకాండ చతుఃపంచాశస్సర్గః
[00:03.54] వీక్షమాణస్తతో లంకాం కపిః కృత మనోరథః|
[00:08.25] వర్థమాన సముత్సాహః కార్యశేషమచింతయత్||1||
[00:13.29] కిన్ను ఖల్వశిష్ఠం మే కర్తవ్య మిహ సాంప్రతమ్|
[00:18.07] యదేషాం రక్షసాం భూయః సంతాపజననం భవేత్ ||2||
[00:23.16] వనం తావత్ ప్రమథితం ప్రకృష్టా రాక్షసా హతాః|
[00:27.68] బలైక దేశః క్షపితః శేషం దుర్గ వినాశనమ్||3||
[00:32.19] దుర్గేవినాశితే కర్మ భవేత్ సుఖపరిశ్రమమ్|
[00:36.45] అల్పయత్నేన కార్యేఽస్మిన్ మమస్యాత్ సఫలః శ్రమః||4||
[00:41.78] యోహ్యయం మమ లాంగూలే దీప్యతే హవ్య వాహనః|
[00:46.83] అస్య సంతర్పణం న్యాయం కర్తుమేభిర్గృహోత్తమైః||5||
[00:51.88] తతః ప్రదీప్తలాంగూలః సవిద్యుదివ తోయదః|
[00:56.40] భవనాగ్రేషు లంకాయా విచచార మహాకపిః||6||
[01:00.92] గృహాద్గృహం రాక్షసానాం ఉద్యానానిచ వానరః|
[01:05.70] వీక్షమాణో హ్యసంత్రస్తః ప్రాసాదాంశ్చ చచార సః||7||
[01:11.27] అవప్లుత్య మహావేగః ప్రహస్తస్య నివేశనమ్|
[01:15.79] అగ్నిం తత్ర స నిక్షిప్య శ్వసనేన సమో బలీ||8||
[01:20.04] తతోన్యత్పుప్లువే వేశ్మ మహాపార్శ్వస్య వీర్యవాన్ ||
[01:25.37] ముమోచ హనుమాన్ అగ్నిం కాలానలశిఖోపమమ్||9||
[01:29.89] వజ్రదంష్ట్రస్య చ తథా పుప్లువే స మహాకపిః|
[01:33.88] శుకస్య చ మహాతేజాః సారణస్య చ ధీమతః||10||
[01:38.39] తథా చేన్ద్రజితో వేశ్మ దదాహ హరియూథపః|
[01:43.17] జమ్బుమాలేః సుమాలేశ్చ దదాహ భవనం తతః||11||
[01:47.96] రస్మికేతోశ్చ భవనం సూర్యశత్రోః తథైవ చ|
[01:52.74] హ్రస్వకర్ణస్య దంష్ట్రస్య రోమశస్య చ రక్షసః||12||
[01:57.52] యుద్ధోన్మత్తస్య మత్తస్య ధ్వజగ్రీవస్య రక్షసః|
[02:02.30] విద్యుజ్జిహ్వస్య ఘోరస్య తథా హస్తిముఖస్య చ||13||
[02:06.81] కరాళస్య పిశాచస్య శోణితాక్షస్య చైవ హి|
[02:11.33] కుంభకర్ణస్య భవనం మకరాక్షస్య చైవ హి||14||
[02:15.58] యజ్ఞశత్రోశ్చ భవనం బ్రహ్మశత్రోః తథైవ చ|
[02:20.09] నరాన్తకస్య కుంభస్య నికుంభస్య దురాత్మనః||15||
[02:24.60] వర్జయిత్వా మహాతేజా విభీషణ గృహం ప్రతి|
[02:28.86] క్రమమాణః క్రమేణైవ దదాహ హరిపుంగవః||16||
[02:33.37] తేషు తేషు మహార్హేషు భవనేషు మహాయశాః|
[02:37.89] గృహేష్వృద్ధిమతాం వృద్ధిం దదాహ మహాకపిః||17||
[02:42.41] సర్వేషాం సమతిక్రమ్య రాక్షసేంద్రస్య వీర్యవాన్|
[02:47.45] అసదాథ లక్ష్మీవాన్ రావణస్య నివేశనమ్||18||
[02:52.24] తతస్తస్మిన్ గృహే ముఖ్యే నానారత్న విభూషితే|
[02:57.03] మేరుమందర సంకాశే సర్వమంగళశోభితే||19||
[03:01.54] ప్రదీప్త మగ్ని ముత్సృజ్య లాంగులాగ్రే ప్రతిష్టితమ్|
[03:06.87] ననాద హనుమాన్ వీరో యుగాన్త జలదో యథా||20||
[03:11.64] శ్వసనేన చ సంయోగాత్ అతివేగో మహాబలః|
[03:15.90] కాలాగ్నిరివ జజ్వాల ప్రావర్ధత హుతాశనః ||21||
[03:20.72] ప్రదీప్తమగ్నిం పవనః తేషు వేశ్మ స్వచారయత్|
[03:25.23] అభూచ్ఛ్వసన సంయోగాత్ అతివేగో హుతాశనః||22||
[03:29.75] తాని కాంచనజాలాని ముక్తామణిమయాని చ|
[03:33.99] భవనాన్యవశీర్యన్త రత్నవన్తి మహాన్తి చ||23||
[03:38.52] తాని భగ్నవిమానాని నిపేతుర్వసుధాతలే|
[03:42.77] భవనానీవ సిద్ధానామమ్బరాత్ పుణ్యసంక్షయే||24||
[03:47.55] సంజజ్ఞే తుములః శబ్దోరాక్షసానాం ప్రధావతాం|
[03:52.58] స్వగృహ్వస్య పరిత్రాణే భగ్నోత్సాహోర్జితశ్రియామ్||25||
[03:57.65] నూనమేషోఽగ్ని రాయాతః కపిరూపేణ హా ఇతి|
[04:02.68] క్రన్దన్త్యః సహసాపేతుః స్తనన్థయధరాః స్త్రియః||26||
[04:08.00] కాశ్చిదగ్ని పరీతేభ్యో హర్మ్యేభ్యో ముక్త మూర్థజాః|
[04:13.57] పతన్త్యో రేజిరేఽభ్రేభ్యః సౌదామిన్య ఇవామ్బరాత్||27||
[04:18.80] వజ్రవిద్రుమ వైడూర్య ముక్తా రజత సంహితాన్|
[04:23.31] విచిత్రాన్భవనాన్ దాతూన్ స్యన్దమానాన్ దదర్శ హ||28||
[04:28.90] నాగ్నిః తృప్యతి కాష్ఠానాం తృణానాం చ యథా తథా |
[04:34.48] హనుమాన్ రాక్షసేంద్రాణాం విశస్తానాం న తృప్యతి||
[04:39.71] క్వచిత్ కింశుకసంకాశాః క్వచిచ్ఛాల్మలిసన్నిభాః|
[04:44.76] క్వచిత్కుంకుమసంకాశాః శిఖావహ్నేశ్చకాశిరే||30||
[04:49.83] హనూమతా వేగవతా వానరేణ మహాత్మనా|
[04:54.07] లంకాపురం ప్రదగ్ధం తత్ రుద్రేణ త్రిపురం యథా||31||
[04:59.11] తతస్తు లంకాపుర పర్వతాగ్రే సముత్థితో భీమపరాక్రమోఽగ్నిః|
[05:05.49] ప్రసార్యచూడావలయం ప్రదీప్తో హనూమతా వేగవతా విసృష్టః||32||
[05:11.35] యుగాన్త కాలానలతుల్యవేగః సమారుతోఽగ్నిర్వ్వృధే దివిస్పృక్|
[05:17.46] విధూమరశ్మిర్భవనేషు సక్తో రక్షః శరీరాజ్యసమర్పితార్చిః||33||
[05:23.83] ఆదిత్యకోటీసదృశః సుతేజా లంకాం సమస్తాం పరివార్య తిష్టన్|
[05:30.50] శబ్దైరనైకై రశనిప్రరూఢైర్భిన్దన్ నివాణ్డం ప్రబభౌ మహాగ్నిః||34||
[05:37.66] తత్రామ్బరాదగ్నిరతిప్రవృద్ధో రూక్షప్రభః కింశుకపుష్పచూడః|
[05:44.31] నిర్వాణధూమాకులరాజయశ్చ నీలోత్పలాభాః ప్రచకాశిరేఽభ్రాః||35||
[05:51.50] వజ్రీమహేంద్రస్త్రిదశేశ్వరో వా సాక్షాద్యమో వా వరుణోఽనిలో వా|
[05:58.66] రుద్రోsగ్నిరర్కో ధనదశ్చ సోమో న వానరోsయం స్వయమేవ కాలః||36||
[06:05.58] కింబ్రాహ్మణః సర్వ పితామహస్య సర్వస్య ధాతుశ్చతురాననస్య|
[06:11.94] ఇహాsగతో వానర రూపధారీ రక్షోపసంహారకరః ప్రకోపః||37||
[06:18.85] కిం వైష్ణవం వా కపిరూపమేత్య రక్షో వినాశాయ పరం సుతేజః|
[06:26.29] అనన్తమవ్యక్త మచిన్త్య మేకమ్ స్వమాయయా సామ్ప్రత మాగతం వా||38||
[06:32.92] ఇత్యేవమూచుర్భవో విశిష్ఠా రక్షోగణాస్తత్ర సమేత్య సర్వే|
[06:39.31] సప్రాణి సంఘాం సగృహాం సవృక్షామ్ దగ్ధాం పురీం తాం సహసా సమీక్ష్య||39||
[06:46.75] తతస్తు లంకా సహసా ప్రదగ్ధా సరాక్షసా సాశ్వరథా సనాగా|
[06:53.41] సపక్షిసంఘా సమృగా సవృక్షా రురోద దీనా తుములం సశబ్దమ్||40||
[06:59.52] హా తాత హాపుత్త్రక కాన్త మిత్త్ర హా జీవితం భోగయుతం సుపుణ్యమ్|
[07:06.16] రక్షోభిరేవం బహుధా బ్రువద్భిః శబ్దః కృతో ఘోరతరః సుభీమః||41||
[07:12.81] హుతాశనజ్వాలసమావృతా సా హతప్రవీరా పరివృత్త యోధా|
[07:19.18] హనూమతః క్రోధ బలాభిభూతా బభూవ శాపోపహతేవ లంకా||42||
[07:25.57] ససంభ్రమత్రస్త విషణ్ణ రాక్షసామ్ సముజ్జ్వల జ్జ్వాలహుతాశనాంకితామ్|
[07:32.74] దదర్శ లంకాం హనుమాన్మహామనాః స్వయంభుకోపోపహతా మివావనిమ్||43||
[07:39.93] భుంక్త్వా వనం పాదపరత్నసంకులమ్ హత్వాతు రక్షాంసి మహాన్తి సంయుగే|
[07:46.83] దగ్ధ్వా పురీం తాం గృహరత్న మాలినీమ్ తస్థౌ హనుమాన్ పవనాత్మజః కపిః||44||
[07:54.54] త్రికూటశృంగాగ్రతలే విచిత్రే ప్రతిష్టితో వానరరాజసింహః|
[08:00.65] ప్రదీప్త లాంగూలకృతార్చిమాలీ వ్యరాజతాఽఽదిత్య ఇవాంశుమాలీ||45||
[08:06.80] స రాక్షసాం స్తాన్ సుబహూంశ్చ హత్వా వనం చ భంక్త్వా బహుపాదపం తత్|
[08:13.16] విసృజ్య రక్షోభవనేషు చాగ్నిమ్ జగామ రామం మనసా మహాత్మా||46||
[08:19.81] తతస్తు తం వానరవీర ముఖ్యం మహాబలం మారుతతుల్య వేగమ్|
[08:25.38] మహామతిం వాయుసుతం వరిష్టం ప్రతుష్టువుః దేవగణాశ్చ సర్వే||47||
[08:31.51] భంక్త్వా వనం మహాతేజా హత్వా రక్షాంసి సంయుగే|
[08:36.28] దగ్ధ్వా లంకాపురీం రమ్యాం రరాజ స మహాకపిః||48||
[08:41.06] తత్రదేవాః సగంధర్వాః సిద్ధాశ్చ పరమర్షయః|
[08:46.65] దృష్ట్వా లంకాం ప్రదగ్ధాం తాం విస్మయం పరమం గతాః||49||
[08:52.22] తం దృష్ట్వా వానరశ్రేష్ఠం హనుమంతం మహాకపిం|
[08:57.01] కాలాగ్నిరితి సంచిన్త్య సర్వభూతాని తత్రసుః||50||
[09:02.05] దేవాశ్చ సర్వేమునిపుంగవాశ్చ గంధర్వవిద్యాధరనాగయక్షాః|
[09:09.25] భూతాని సర్వాణి మహాన్తి తత్ర జగ్ముః పరాం ప్రీతిమతుల్యరూపామ్||51||
[09:15.89] ఇత్యార్షే శ్రీమద్రామాయణే వాల్మీకీయే సున్దరకాణ్డే చతుఃపంచాశస్సర్గః||
